No ano 2007 un grupo de veciñas e veciños do barrio das Marías decidimos xuntarnos coa inquedanza de constituírnos en asociación veciñal. Non era un proxecto doado, pero fíxose un importante esforzo para conseguir a participación da nosa veciñanza na vida pública.
A día de hoxe as festas da Rúa de Abaixo, a publicación d’A Voz de Abaixo ou as diferentes actividades programadas xa son parte da vida cotiá do barrio.
Gústanos vivir no noso barrio e cremos que comprometernos na súa mellora significa apostar por nós mesmas e nós mesmos, apostar polo presente e tamén polo futuro. Por iso iniciamos esta aventura nas ondas, como non podía ser doutro xeito, chega Radiomarías á Kalimera.
Se queredes participar no programa compartindo este estudio radiofónico con nós ou achegándonos contos, cantos, historias e chismes podedes escribirnos a a.vv.asmarias@gmail.com
